“Qızıl buts” Luis Suaresə təqdim olundu

“Barselona”nın hücumçusu Luis Suares 2013/14 mövsümünün qalibi kimi “Qızıl buts”a sahib çıxıb. Futbolxeber.az-ın məlumatına görə, uruqvaylı forvard ötən mövsüm “Liverpul”un heyətində İngiltərə çempionatında 31 dəfə fərqlənib. Suaresə mükafatı “Liverpul”un sabiq çalışdırıcısı Kenni Dalqliş təqdim edib.

Qeyd edək ki, Suares kimi Ronaldo da ötən mövsümü 31 qolla başa vurub. Bu səbəbdən portuqaliyalı futbolçuya da “Qızıl buts” təqdim olunacaq. Ronaldo gələn ayın sonunda mükafatına qovuşacaq.

Əlavə edək ki, hazırda “Barselona”da çıxış edən Luis Suares cəzalı olduğuna görə rəsmi oyunlarda Kataloniya klubunun heyətində meydana çıxa bilmir. O, oktyabrın 25-də “Real”a qarşı baş tutacaq matçda yenidən meydana qayıda bilər.