“2-3 ildən sonra “Milan” yenidən İtaliya və Avropanın aparıcı klubuna çevriləcək”

“Milan”ın sahibi Silvio Berluskoni komandasının tezliklə əvvəlki nüfuzunu geri qaytaracağını bildirib. Futbolxeber.az-ın məlumatına görə, Berluskoni “Qırmızı-qaralar”ın 2-3 ildən sonra yenidən dünya futbolunun dəbini müəyyənləşdirəcəyini qeyd edib: “2-3 ildən sonra biz layiq olduğumuz yerə qayıdacağıq. “Milan” yenidən təkcə İtaliyanın deyil, həm də Avropanın aparıcı klubuna çevriləcək. Komanda üzvləri ilə danışmışam. Onlara da izah etmişəm ki, “Yuventus”la oyun təkcə vacib qarşılaşma deyil. Bu, bizim üçün əhəmiyyəti izah olunmayacaq bir görüşdü. Əgər, komanda yaxşı oynayıb, “Yuventus”a qalib gəlsə, fanatlar son 2 ildəki uğursuzluqları unudub, futbolçuları daha güclü şəkildə dəstəkləyəcəklər”.