Maurinyo: “Keçmişə qayıtmaq imkanım olsaydı, yenidən “Real”da çalışardım”

“Çelsi”nin baş məşqçisi Joze Maurinyo maraqlı fikirlər səsləndirib. Futbolxeber.az-ın məlumatına görə, portuqaliyalı mütəxəssis yenidən “Real”ı çalışdırmağın əlehinə olmadığını qeyd edib: “Keçmişə qayıtmaq imkanım olsaydı, yenidən “Real”da çalışardım? Əlbəttə. Orada çalışmaq mənim üçün həm bir kişi, həm də bir məşqçi kimi böyük təcrübə oldu. Bu haqda iki dəfə düşünməyə belə dəyməz. Madriddə yenidən çalışardım. “Real”ı tərk edərkən klub prezidenti ilə əla münasibətim var idi. Təkcə onunla yox, klubdakı hər kəslə münasibətim yaxşıdır. Amma “Çelsi”də də xoşbəxtəm. Məşqlərə və oyunlara böyük həvəslə çıxıram. Mən keçmişlə yaşayan birisi deyiləm. İlk dəfə olaraq karyeramın növbəti mərhələsi barədə düşünmürəm. Halbuki əvvəllər gələcəkdə nə olacağı barədə tez-tez fikirləşirdim. Londonda çalışmaq mənə xoşdur. Ailəm də burada xoşbəxtdir”.