Ufuk 90, Vaqif 62, Rəhman 16 dəqiqə oynadı

Türkiyə PTT birinci liqasında 3-cü turun oyunlarına start verilib. Futbolxeber.az-ın məlumatına görə, millimizin üzvləri Vaqif Cavadov, Rəhman Hacıyev və Ufuk Budakın çıxış etdiyi “Qaziantep Böyükşehir Belediyyespor” öz meydanında “Adanaspor”la qarşılaşıb. Ufuk Budak matçı əvəzolunmadan keçirib. Vaqif Cavadov meydana start heyətində çıxıb, 62-ci dəqiqədə Muhammed Demirci ilə əvəzlənib. Rəhman Hacıyev isə 74-cü dəqiqədə Sertan Vardarın əvəzinə meydana daxil olub. Görüş 1:1 hesabı ilə başa çatıb. Bununla da həmyerlilərimizin komandası ardıcıl üçüncü oyununda da meydanı 1 xalla tərk edib. 3 turdan sonra aktivində 3 xal olan “Qaziantep Böyükşehir Belediyyespor” 10-cu pillədə qərarlaşıb.