“Dnepr”in “qənim”i: “Bu, karyeramdakı ən vacib qoldu”

“İnter”in müdafiəçisi Danilo D`Ambrozio “Dnepr”i 1:0 hesabı ilə məğlub etdikləri oyun haqda danışıb. Futbolxeber.az-ın məlumatına görə, görüşün taleyini həll edən yeganə qolun müəllifi qarşılaşma barədə bunları deyib: “Dnepr”ə qarşı yaxşı oynayıb, “Sassuolo” ilə matçdakı nəticəni əbəs yerə qazanmadığımızı göstərməliydik. Qalib gəldiyimiz üçün sevinirəm. Bu, karyeramdakı ən vacib qoldu. Çünki ilk dəfədir ki avrokuboklarda fərqlənirəm. “Dnepr”i məğlub etdik, indi “Palermo”yla oyun haqda düşünməliyik”.