“Real” daha bir ilkə imza atdı

“Real” avrokuoklarda 1000 qol həddinə çatan ilk klub kimi tarixə düşüb. Futbolxeber.az-ın məlumatına görə, “Kral klubu”nun yubiley qolunu Kərim Benzema vurub. Fransız forvardın “Bazel”in qapısından keçirdiyi 5-ci top sayəsində “Real” 1000-ə çatıb. Avrokuboklarda “Real”dan sonra ən çox qol vuran ikinci klub “Barselona”dır. Kataloniya klubunun aktivində 980 qol var. Üçüncü pillədə qərarlaşan “Bavariya” isə rəqib qapılarından 799 top keçirib.

Qeyd edək ki, “Real” 1000 qolu 427 matçda vurub. Komanda qolların 826-sını Çempionlar Liqasında, 111-ini UEFA Kubokunda, 57-sini Kuboklar Kubokunda, 6-sını isə UEFA Superkubokunda vurub.