Alleqri: “Xoşbəxtlikdən o, “Yuventus”da oynayır”

“Yuventus”un baş məşqçisi Massimiliano Alleqri ÇL-in qrup mərhələsinin ilk turunda “Malmö”nü 2:0 hesabı ilə məğlub etdikləri oyun barədə danışıb. Futbolxeber.az-ın məlumatına görə, Alleqri komandasının fasilədən sonra daha yaxşı çıxış etdiyini vurğulayıb: “Teves komandamız üçün mühüm futbolçudur. Bu gün bunu bir daha sübut etdi. Xoşbəxtlikdən o, “Yuventus”da oynayır. Amma ikinci yarıda tək Teves yox, bütün komanda yaxşı oynadı. Halbuki ilk hissədə lazımı qədər aktivlik nümayiş etdirə bilmədik. ÇL-in oyunları komandadan daha çox fiziki güc tələb edir. Bu cür oyunlarda sayıqlığı əldən verməməli, səbr edib öz vaxtıvı gözləməlisən. Həmçinin müdafiəyə böyük diqqət ayırmalısan. “Malmö” ilk yarıda pis təsir bağışlamırdı. Amma ikinci yarıda təzyiqi artırmağımızın nəticəsində qələbəni təmin etdik”.