İnterpol: son 3 ildə 80 ölkədə danışılmış oyunlar baş tutub!

İnterpol dünyanın müxtəlif ölkələrində baş tutan danışılmış oyunlarla bağlı araşdırmasını davam edirir. Futbolxeber.az-ın “Reuters”ə istinadən verdiyi məlumata görə, bu haqda FİFA-nın İnterpolla əməkdaşlıq edən işçi qrupunun rəhbəri Con Ebbot açıqlamasında deyib. O, qeyd edib ki, son 3 ildə dünyanın 60-80 ölkəsində danışılmış oyunlar keçirilib: “Danışılmış oyunlar qlobal problemdir. Hələ ki, biz bu problemi həll edə bilmirik. Əlimizdə faktlar var. Hansı ki müəyyən qruplar Rusiya, Çin, ABŞ, İtaliya və Balkan yarımadasında danışılmış oyunlar təşkil edirlər. Danışılmış oyunlar digər idman növlərində də olur. Amma futbol bu baxımdan birincidir. Bu problemi birədəflik həll etmək üçün bütün dünyada eyni sistemlə çalışmağımız mütləqdir. Ölkə rəhbərləri də bu məsələnin həlli üçün öz dəstəklərini əsirgəməməlidirlər”.