Ronaldo “Real”ın transfer siyasətini tənqid etdi

Kriştianu Ronaldo çıxış etdiyi “Real”ın transfer siyasətini tənqid edib. Futbolxeber.az-ın “Reuters”ə istinadən verdiyi məlumata görə, portuqaliyalı futbolçu komandanın oyun tərzinin dəyişməsindən narahatdir: “Real”ın transfer siyasəti barədə mənim öz fikirlərim var. Amma indi hər şeyi deyə bilmərəm. Beynimdən keçənləri söyləsəm, sabah qəzetlərin manşetini bəzəyəcəyəm. Bu isə mənə lazım deyil. Qısaca onu deyim ki, rəhbərliyin siyasətini düzgün hesab etmirəm. Klub prezidenti kimlərinsə alınmalı olduğunu, yeni gələnlərə görə də digərlərinin getməli olduğunu düşünürsə, mən bunu müzakirə edə bilmərəm. Məni narahat edən odur ki, indi “Real”ın oyun tərzi dəyişəcək. Bunun komandaya müsbət və ya mənfi cəhətdən təsir edəcəyini isə zaman göstərəcək”.