Rusiya millisi Azərbaycanla oyunun hazırlığına Premyer Liqanın bombardiri olmadan başladı

Rusiya millisi bu gün Azərbaycana qarşı keçiriləcək yoxlama oyununun hazırlığına start verib. Futbolxeber.az-ın məlumatına görə, Rusiya yığmasının ilk məşqi “Dinamo”nun bazasında baş tutub. Hazırlıq prosesində Moskva “Spartak”ının hücumçusu, cari mövsümdə Rusiya Premter Liqasının bombardiri olan Artyom Dzyuba iştirak etməyib. “Spartak”ın həkimləri bildiriblər ki, təcrübəli futbolçu infeksiyaya yoluxub və qarşıdakı günlərdə hazırlıq prosesinə qatıla bilməyəcək.

Yenicə zədələnən “Dinamo”nun üzvü İqor Denisovun əvəzinə yığmaya dəvət alan Yuri Qazinski məşqə qatılıb. “Spartak”ın qapıçısı Artyom Rebrov isə bu gün fərdi şəkildə məşq keçib.

Xat;rladaq ki, Rusiya - Azərbaycan oyunu sentyabrın 3-də "Ximki Arena"da keçiriləcək.