Migel Di Mariya: “Real”da oğluma söz verilən məbləği ödəmirdilər”

“Real”da Anxelin bacarığını heç vaxt layiqli şəkildə dəyərləndirməyiblər. Onlar sanki oğlumu komandada görmək istəmirdilər. Hər dəfə onun mövqeyinə oyunçu alınırdı. Qaret Beylin transferi buna sübutdur”. Futbolxeber.az-ın məlumatına görə, bu sözləri “Real”ı “Mançester Yunayted”ə dəyişən Anxel Di Mariyanın atası Migel deyib.  

Migel Di Mariya oğlunun Madriddə aldadıldığını qeyd edib: “Real”da oğluma söz verilən məbləği ödəmirdilər. “Real”a keçərkən ona müəyyən məbləğ deyilsə də, sonradan yalnız yarısını ala bildik. Onlar Anxelə heç vaxt 6 milyon avro illik məvacib təklif etməyiblər. Son aldığımız təklif  5 milyon idi. Daha əvvəl isə o, bundan 1,5 milyon az qazanırdı. İndi Anxel “Mançester Yunayted”də xoşbəxtdir. Burada ona layiq olduğu dəyəri verirlər. Madrid klubu aparıcı futbolçusunu itirdi. Hansı ki, Anxel istənilən anda istənilən oyunun taleyini dəyişməyə qadir futbolçudu”.