“Tvente”nin baş məşqçisi: “Qarabağ"la final matçına çıxacağıq”

Avroliqanın play-off mərhələsinin cavab görüşü çərçivəsində öz meydanında “Qarabağ”ı qəbul edəcək “Tvente”nin baş məşqçisi Alfred Şreyder oyunöncəsi mətbuat konfransı keçirib. Futbolxeber.az-ın məlumatına görə, o, azarkeşlərin dəstəyinə ehtiyac duyduqlarını bildirib: “Demək olar ki, "Qarabağ"la final matçına çıxacağıq. Bu görüşdə öz oyunumuzu oynamalıyıq. Matçın taleyini həll edə biləcəyimizə əmin olmalıyıq. Ümid edirik ki, stadion azarkeşlərlə dolu olacaq. Avrokubok oyunları həm komanda, həm də futbolçular üçün təcrübə yığmaq baxımından çox önəmlidir. Hər kəs bu oyunlarda yeni nəsə öyrənir. "Qarabağ" yaxşı komandadır. Onların əks hücumları təhlükəli olur. Ancaq biz yalnız öz oyunumuz haqda düşünməli və qələbə üçün meydanda bütün gücümüzü qoymalıyıq".