“Mançester Yunayted” mövsümün açılış oyununa ciddi itkilərlə çıxacaq

Bu gün İngiltərə Premyer Liqasında 2014/15 mövsümünün açılış oyununda “Mançester Yunayted” öz meydanında “Suonsi”ni qəbul edəcək. Futbolxeber.az-ın məlumatına görə, Mançester təmsilçisi bu görüşə ciddi itkilərlə çıxacaq. Belə ki, “Suonsi” ilə matçda Van Persi, Conston, Valensiya, Şou, Evans və Uelbek meydana çıxa bilməyəcək. Bu haqda komandanın baş məşqçisi Lui Van Qal açıqlama verib. Əvəzində Rafael zədəsini bərpa edib və meydana çıxmağa hazırdı.

Xatırladaq ki, “Mançester Yunayted” - “Suonsi” matçı Bakı vaxtı ilə 16:45-də start götürəcək.