“Çixura” “Neftçi”dən sonra özünə gələ bilməyib

Gürcüstan çempionatında bu gün ilk turun son oyunu keçirilib. Futbolxeber.az-ın məlumatına görə, Avroliqanın III təsnifat mərhələsində “Neftçi” qarşısında aciz qalan “Çixura” səfərdə “Sioni”nin qonağı olub. “Neftçi”ylə oyunda olduğu kimi “Çixura” bu dəfə də meydanı məğlub qismində tərk edib. Siradzenin 20-ci dəqiqədə vurduğu qol “Sioni”yə 1:0 hesablı qələbə qazandırıb.

Xatırladaq ki, Bakıda qolsuz başa çatan oyundan sonra “Neftçi” Tbilisidə “Çixura” üzərində 3:2 hesablı qələbə qazanmaqla Avroliqanın pley-off mərhələsinə adlayıb.