“Milan”ın yeni transferi: “Skudettonu qazanmağı arzulayıram”

“Udineze”ni “Milan”a dəyişən Pablo Armero yeni klubu haqda danışıb. Futbolxeber.az-ın məlumatına görə, bu gün Milana gələn sol cinah müdafiəçisi “qırmızı-qaralar”la birgə Skudettonu qazanmaq istədiyini bəyan edib: “Bura böyük ümidlərlə gəlmişəm. Mövsümün əvvəlinə kimi tam hazır olmalıyam. İlk növbədə qələbələri sıralamalıyıq. Artıq İnzagi ilə danışmışam. Əsas heyətə düşmək üçün əlimdən gələni edəcəyəm. İnanıram ki, uğurlu mövsüm keçirəcəyik. Skudettonu qazanmağı arzu edirəm”.