Kloze Almaniya millisindən getdi

“Latsio”nun hücumçusu Miroslav Kloze Almaniya millisindəki çıxışını başa vurub. Futbolxeber.az-ın məlumatına görə, bu haqda təcrübəli forvardın özü açıqlama verib: “Komandanın uğuru mənim üçün daim ön planda olub. Biz Almaniya millisi ilə qarşımıza qoyduğumuz məqsədə çatdıq. Mən də öz istəyimə nail oldum. Hücumçu kimi daim komanda yoldaşlarımdan aslı olmuşam. Buna görə də onlara minnətdaram. Onlar olmasaydılar, mən bu cür uğurlara nail ola bilməzdim”.

Qeyd edək ki, 16 qolla dünya çempionatlarının ən yaxşı bombardiri olan Kloze, Almaniya yığmasının heyətində meydana çıxdığı 137 matçda 71 qol vurub.