Ançelotti: “Məşqçi kimi qazandığım uğurların sirri ondadır ki...”

“Real”ın baş məşqçisi Karlo Ançelotti karyerasında qazandığı uğurlar barədə danışıb. Futbolxeber.az-ın məlumatına görə, italiyalı mütəxəssis sonuncu qələbənin mühüm əhəmiyyət daşıdığını qeyd edib: “Ötən mövsüm Çempionlar Liqasındakı qələbə çox mühüm əhəmiyyət kəsb edirdi. Biz bu mükafatı 10-cu dəfə qazanmağa məcbur idik. Bunu həm klub çox istəyirdi, həm də mən. Tarixə düşmək, “Real”a 10-cu dəfə ÇL-i qazandırmaq böyük qələbədir”.

“Məşqçi kimi qazandığınız uğurların sirri nədədir” sualını isə Ançelotti belə cavablandırıb: “Məşqçi kimi qazandığım uğurların sirri ondadır ki, bunda heç bir sirr yoxdur. Uğur qazanmaq üçün ambisiyalı olmaq, istək və işinə sadiqlik nümayiş etdirməlisən. Hansısa sirdən söhbət gedə bilməz”.