“Qəbələ”nin sabiq üzvü Avroliqa oyununu kənardan izləyə bilər

Avroliqanın III təsnifat mərhələsinin cavab oyunu çərçivəsində Rusiya “Krasnodar”ı bu gün öz meydanında Macarıstanın “Diosqyor” klubunu sınağa çəkəcək. Futbolxeber.az-ın məlumatına görə, Krasnodar təmsilçisi qarşıdakı matça ciddi itkilərlə çıxacaq. Zədəsini yenicə bərpa edən Odil Axmedov və Ruslan Adjindjal bu gün meydana çıxa bilməyəcəklər. “Qəbələ”nin sabiq yarımmüdafiəçisi Marat İzmaylovun da bugünkü matçda iştirakı sual altındadır.

Xatırladaq ki, ilk oyunda səfərdə 5:1 hesablı qələbə qazanan “Krasnodar”, böyük ölçüdə cütün taleyini həll edib.