Dünya çempionatının rekordçusu məşqçiliyə başladı

“Zenit”in, Kiyev “Dinamo”sunun və Rusiya millisinin sabiq hücumçusu Oleq Salenko məşqçilik karyerasına başlayıb. Futbolxeber.az-ın Rusiya mətbuatına istinadən verdiyi məlumata görə, 44 yaşlı veteran futbolçu Kiyev oblastının Bravorskaya rayonunu təmsil edən “Tayqer”in baş məşqçisi təyin edilib. Onun debüt oyunu uğursuz alınıb. Belə ki, Salenkonun komandası Kiyev oblastının kuboku uğrunda matçda “Rubin”ə 1:3 hesabı ilə uduzub.

Qeyd edək ki, DÇ-1994-ün bombardiri olan Salenko mundiallar tarixində 1 oyunda 5 qol vurmuş yeganə futbolçudur. Futbolçu karyerası bitirdikdən sonra o, qısa müddət Ukraynanın çimərlik futbolu üzrə millisini çalışdırıb. Son zamanlar isə Salenko Ukrayna telekanallarında ekspert kimi fəaliyyət göstəriridi.