"PSJ təkcə Runi ilə maraqlanmır"

PSJ-nin idman drektoru, keçmiş futbolçu Leonardo son vaxtlar Ueyn Runinin 46 milyon avroya Paris klubuna keçəcəyi haqqında gəzən söz-söhbətə aydınlıq gətirib. Futbolxəbər.az xəbər verir ki, Leonardo Runi ilə yanaşı başqa bir neçə futbolçunu da diqqət mərkəzində saxladıqlarını bildirib: “PSJ son vaxtlar istədiyi futbolçuları əldə etməyi bacaran klublardan birinə çevrilib. Ueyn Runi bizim maraq dairəmizdə olan yeganə futbolçu deyil. Biz Runi ilə maraqlanırıq, amma bununla əlaqədar nə futbolçunun özünə, nə agentinə, nə də komandasına təklif göndərmişik. O ki qaldı Bekhemin getmək istəməsinə dair söz-söhbətlərə, qapılarımız onun üzünə açıqdı. Ancaq onun belə bir istəyi yoxdu və o PSJ-də qalacaq”.