Falkao: “İndi “Real” haqda düşünmürəm”

“Monako”nun hücumçusu Radamel Falkao son günlər “Real”a keçəcəyi haqda yayılan xəbərlərə münasibət bildirib. Futbolxeber.az-ın məlumatına görə, kolumbiyalı forvard deyilənləri təkzib edib: “Real”a keçirəm? İndi bu haqda düşünmürəm. Hazırda mən başqa komandalar haqda fikirləşə bilmərəm. Fikrim tezliklə əvvəlki formamı bərpa edib, “Monako”nun baş məşqçisinə hazır olduğumu göstərməkdir”.

Xatırladaq ki, Falkao “Emirates Cup” çərçivəsində “Valensiya”ya qarşı baş tutan görüşdə (2:2) yarım illik fasilədən sonra meydana qayıdıb.