“Qəbələ”nin sabiq yarımmüdafiəçisi yarım il futbolsuz qalacaq

“Qəbələ”nin sabiq üzvü, hazırda Rusiyanın “Mordoviya” klubunun şərəfini qoruyan Lorenso Ebesilionun durumuna aydınlıq gəlib. Futbolxeber.az-ın məlumatına görə, Rusiya Premyer Liqasının ilk turunda “Ural”a qarşı baş tutan görüşdə (2:3) ayağı sınan holland futbolçu yarım il yaşıl meydanlardan kənarda qalacaq. Moskvaya müayinəyə yollanan Ebesilonun sümüklərində çat olduğu aşkarlanıb. O, öz vətənində müalicə olunacaq.

Qeyd edək ki, Ebesilio yalnız 2015-ci ildə “Mordoviya”ya kömək edə biləcək.