Maksim Şatskix Sergey Rebrovun rekorduna şərik çıxdı

“Hoverla”nın hücumçusu Maksim Şatskix “Meteallurq”la oyunda (1:2) fərqlənməklə Ukrayna yüksək liqasında 123-cü qolunu vurub. Futbolxeber.az-ın məlumatına görə, bu nəticəylə 35 yaşlı hücumçu Ukranya çempionatının tarixi ərzində ən məhsuldar futbolçu olan Sergey Rebrovun rekorduna şərik çıxıb.

Rebrov 123 qolu 12 mövsümdə vurub. O, 261 oyunda 10 dəfə “Şaxtyor”un, 113 dəfə də “Dinamo”nun heyətində fərqlənib.

Şatskix isə 16 mövsümdə 97 dəfə “Dinamo”nun, 22 dəfə Kiyev “Arsenal”ının, 4 dəfə də hazırki klubu “Hoverla”nın heyətində qol sevinci yaşayıb.

Qeyd edək ki, karyerasını davam etdirən futbolçular arasında Rebrov və Şatskixin əsas izləyicisi Yevgeni Seleznyovdur. “Dnerp”in hücumçusunun aktivində 92 qol var.