“Xəzər Lənkəran”ın keçmiş müdafiəçisi Çempionlar Liqasında qol vurdu

Moldova çempionu “Şerif” Çempionlar Liqasının ikinci təsnifat mərhələsinin ilk oyununda öz meydanında “Sutyeska” üzərində 2:0 hesablı qələbə qazanıb. Futbolxeber.az-ın məlumatına görə, qarşılaşmada hesabı 71-ci dəqiqədə “Xəzər Lənkəran”ın sabiq müdafiəçisi Andrey Mureşan açıb. Bu, rumın müdafiəçinin “Şerif”dəki ilk qoludur.

Qeyd edək ki, “Şerif”ə bu yay transfer olunan Mureşan, 2011/12-ci illərdə “Xəzər Lənkəran”da çıxış edib. 28 yaşlı futbolçu Lənkəran təmsilçisinin heyətində meydana çıxdığı 41 oyunda 1 qol vurub.