Sneyder: “Maurinyoya təşəkkür edirəm”

“Qalatasaray”ın hollandiyalı legioneri Uesli Sneyder ÇL-nın püşkatmasından sonra rəqibləri “Real” haqqında danışıb. Futbolxeber.az xəbər verir ki, yarımmüdafiəçi açıqlamasında keçmiş məşqçisi Joze Maurinyoya da tərif dolu sözlər yağdırıb: “Əlbəttə, hamı “Real”ı bu cütün favoriti hesab edir. Onlara qarşı oynamaq çox çətin olacaq. Lakin, biz “Real”ı favorit sayanları təəccübləndirməyə çalışacağıq.

“Real”da keçirdiyim ilk mövsümdə İspaniya çempionu oldum. Maurinyola da məhz o vaxtdan tanışıq. İndinin özündə  də ünsiyyət saxlayırıq. Mən keçmiş məşqçimə təşəkkür edirəm. Məhz onun rəhbərliyi altında mənim adım daha çox tanındı”.