Lukaku: “Gələcəyimlə bağlı DÇ-2014-dən sonra qərar qəbul edəcəyəm”

“Çelsi”nin hücumçusu Romelu Lukakunun növbəti mövsümə hansı klubda başlayacağı hələ ki bəlli deyil. Futbolxeber.az-ın məlumatına görə, belçikalı futbolçu hazırda bu barədə düşünmədiyini bildirib: “DÇ-2014-də yaxşı çıxış etsək, bu, komandamızın hər bir üzvü üçün faydalı olacaq. Bu halda aparıcı klublardan təklif almaq mümkündü. Amma hazırda mən gələcəklə bağlı heç bir plan qurmuram. Bütün fikrimi dünya çempionatında yönəltmişəm. Yalnız mundialdan sonra gələcəyimlə bağlı qərar qəbul edəcəyəm”.

Xatırladaq ki, son mövsümdə icarə əsasında “Everton”da çıxış edən Lukaku ilə hazırda “Yuventus”, “Real”, “Atletiko” və “Marsel” maraqlanır.