2 italyan hücumçu “Real”ın hədəfində

Madrid “Real”ı hücumçu axtarışlarını davam etdirir. Futbolxeber.az-ın “Marca”ya istinadən verdiyi məlumata görə, “Kral klubu” hazırda 2 hücumçuyla yaxından maraqlanır. Söhbət “Roma”lı Mattia Destro və “Sassuolo”da çıxış edən Domeniko Berardidən gedir. “Real”ın baş məşqçisi Karlo Ançelottinin fikrincə, 23 yaşlı Destro komandanın hücum xəttini gücləndirməyə qadirdi. Transfer hüququnun yarısı “Yuventus”a məxsus olan Berardinin keçidi isə daha çox gələcəyə hesablanıb.

Qeyd edək ki, “Real”ın maraq dairəsində olan digər hücumçular Antuan Qrizmann (“Real Soseydad”), Aleksandr Lakasett (“Lion”) və Pyer-Mişel Lasoqqadır (“Hamburq”).