"Simurq"un sabiq baş məşqçisi postundan getdi

Rusiyanın "Sibir" klubunun baş məşqçisi Sergey Yuran tutduğu vəzifədən ayrılıb. Futbolxeber.az xəbər verir ki, ötənlərin məşhur futbolçusu qarşılıqlı razılıq əsasında klubdan gedib. Verilən məlumatlara görə, klub rəhbərliyinin gəncləşdirmə yolu tutması və Premyer Liqaya yüksəlmək uğrunda mübarizə aparmaqdan imtina etməsi Yuranı qane etməyib və bu səbəbdən də postunu tərk edib.

Qeyd edək ki, "Sibir" hazırda 22 turdan sonra 33 xal toplayaraq, turnir cədvəlində altıncı pillədə qərarlaşıb. Klubun yüksək liqaya çıxmaq şansları heç də pis deyil. Lakin klub rəhbərliyi xərcləri azatlmaq üçün Premyer Liqaya yüksəlmək tapşırığını ən azı 2 illiyə təxirə salıb.

Xatırladaq ki, Sergey Yuran vaxtı ilə ölkəmizdə çalışıb, "Simurq"un baş məşqçisi olub.