Fabreqas: “Premyer Liqada yarımçıq qalan işlərim var”

“İlk növbədə “Barselona”dakı hər kəsə minnətdaram. Orada 3 əla mövsüm keçirdim. Bu, mənim uşaqlıq klubumdur və daim “Barselona” kimi komandada forma geydiyim üçün fəxr edəcəyəm”. Futbolxeber.az-ın məlumatına görə, bu sözləri “Çelsi”nin yeni transferi Fransesk Fabreqas deyib.

İspan futbolçu bildirib ki, “Çelsi” onun üçün ən yaxşı variantdır: “Hiss edirəm ki, İngiltərə Premyer Liqasında tamamlanmayan işlərim qalıb. Geriyə qayıtmaq üçün indi ideal zamandır. Gələn təklifləri incələdim və hesab edirəm ki, “Çelsi” mənim üçün ən yaxşı variantdır. Mənim kimi bu komanda da böyük qələbələr və kuboklar üçün acdır. “Çelsi”nin əla heyəti və inanılmaz məşqçisi var. Yeni klubumda oynayacağım günü səbirsizliklə gözləyirəm”.