Skolari: “Vaxt gəlib, bu dünya çempionatı bizimdir”

“Vaxt gəlib. Bu dünya çempionatı bizimdir. 2002-ci ildə olduğu kimi, indi də sərəncamımda əla heyət var. Neymar da daxil olmaqla əlimim altındakı hər bir futbolçu komanda üçün çalışır”. Futbolxeber.az-ın məlumatına görə, bu sözləri Braziliya millisinin baş məşqçisi Luis Felipe Skolari deyib.

Komandasının aparıcı üzvü Neymar haqda danışan Skolari, futbolçusunun mundialın ulduzu olacağını düşünür: “Neymar olmasaydı, biz başqa cür oynayardıq. O, daim komandanın aparıcı üzvlərindən biri olacaq. Neymar istənilən oyunun taleyini dəyişməyə qadirdi. Biz hər birimiz onun istedadına güvənirik. Dünya çempionatının ulduzu da elə Neymar olacaq. Xorvatiyaya qarşı oyunda da Neymar start heyətində yer alacaq”.