“Neymarın qarşısını necə almaq olar? Ən yaxşısı onu oteldə saxlamaqdı”

Xorvatiya millisinin kapitanı Dario Srna DÇ-2014-ün açılışında Braziliyaya qarşı keçirəcəkləri oyun haqda danışıb. Futbolxeber.az-ın məlumatına görə, təcrübəli futbolçu Neymarın qarşısını kəsmək üçün əlindən gələni edəcəyini bildirib: “Neymarı saxlamaq üçün əlimdən gələni edəcəm. Onu necə saxlamaq olar? Ən yaxşısı onu oteldə saxlamaqdı...Neymarın oyununa saatlarla oturub baxmamışam. Onsuz da istedadlı futbolçu olduğu bəllidir. Amma Braziliya millisi təkcə Neymardan ibarət deyil. Bu komandada güclü futbolçuların sayı kifayət qədərdi. Vaxtı ilə “Şaxtyor”da birgə oynadığım Villian da çox istedadlı futbolçudur. Futbolda hər şey mümkündür. Hər bir komanda kimi biz də mundiala uğur qazanmaq üçün gəlmişik”.