“Roma” “Bavariya”nın 33 milyonluq təklifini geri çevirdi

“Bavariya” Mehdi Benatiyanın transfersi üçün “Roma”ya rəsmi təklif göndərib. Futbolxeber.az-ın məlumatına görə, Münhen klubu mərakeşli futbolçuya görə 33 milyon avro təklif edib. Lakin “Roma” bu təklifi geri çevirib. “Canavarlar”ın təklifi geri çevirməsi heç də səbəbsiz deyil. Çünki klubun idman direktoru Valter Sabatini bir müddət əvvəl Benatiyanı 61 milyon avrodan ucuz satmayacaqlarını bəyan edib.

Xatırladaq ki, “Roma”nın 27 yaşlı müdafiəçisi ilə “Mançester Siti” də yaxından maraqlanır.