DÇ-2014 bu stadionlarda keçiriləcək: “ESTADİO NACİONAL DE BRASÍLİA”

Braziliyada keçiriləcək XX dünya çempionatına artıq sayılı günlər qalır. İyunun 12-də start götürəcək mundialın oyunları 12 stadionda keçiriləcək. Futbolxeber.az saytı mundialın oyunlarını qəbul edəcək stadionlarla oxucuları daha yaxından tanış edir.

“Estadio Nacional de Brasília” - 70024 tamaşaçı tutumu

Paytaxt Braziliyada yerləşən arena 1974-cü ildə inşa olunub. Martın 10-da arenanın açılışı olub. İlk oyunda yerli komanda “Korintians”la üz-üzə gəlib. Açılış matçı qonaqların 2:1 hesablı qələbəsi ilə başa çatdı. Arenadakı ilk qolu isə “Korintians”ın üzvü Vaqinyo vurub.

1982-ci ilin 25 dekabrında məşhur braziliyalı futbolçu Qarrinça bu stadionda 20 dəqiqə ərzində yerli komanda “Planaltina”nın şərəfini qoruyub. Həmin oyundan 26 gün sonra - 1983-cü il yanvarın 20-də Qarrinça 49 yaşında dünyasını dəyişib. 15 dekabrda Mane Qarrinçanın adı məhz bu stadiona verilib. Onun şərəfinə Braziliya millisi həmin gün arenada yoxlama matçı keçirib.

Stadionda rekord göstərici 1998-ci ildə qeydə alınıb. 20 dekabrda “Qama” “B” seriyasının finalında “Londrina”nı 3:0 hesabı ilə darmadağın etdiyi oyuna 51 min tamaşaçı canlı olaraq tamaşa edib.

2007-ci ilin 8 dekabrında isə bu arenada qadınlar arasında ilk Braziliya kubokunun final matçı keçirilib. Həlledici oyun San-Kaetanu-du-Sulu təmsil edən “Saad”ın qələbəsiylə yekunlaşıb.

2010-cu ildə arena təmir edilib və adı “Estadio Nacional de Brasília”ya dəyişdirilib. Eləcə də tamaşaçı sayı 71 minə çatıb. Stadionun dəyəri 381 milyon dollardı. Bu arenada həmçinin 2016-cı ildə Rio-de-Janeyranın ev sahibliyi edəcəyi Yay Olimpiya Oyunlarının bəzi matçları baş tutacaq.

“Estadio Nacional de Brasília”da keçiriləcək oyunlar:

15 iyun   İsveçrə - Ekvador

19 iyun   Kolumbiya - Fil Dişi Sahili

23 iyun   Kamerun - Braziliya

26 iyun   Portuqaliya - Qana

30 iyun   1/8 final

5 iyul      1/4 final

12 iyul    III yer uğrunda oyun

Mövzu ilə əlaqədar digər yazı:

http://www.futbolxeber.az/news/world/12312