“Empoli” 6 ildən sonra yenidən “A” seriyasında

İtaliya “B” seriyasında 42-ci turun oyunları keçirilib. Futbolxeber.az-ın məlumatına görə, “Peskara”nı 2:0 hesabı ilə məğlub edən “Empoli” “A” seriyasına vəsiqə əldə edib. Mauritsio Sarrinin komandası mövsümü 72 xalla ikinci pillədə başa vurub. Bununla da “Empoli” 6 ildən sonra yenidən “A” seriyasında mübarizə aparmaq hüququ qazanıb. Əvvəlki mövsümlərdə komanda “B” seriyasında V, X, IX, XVIII və IV yerləri tutub.

Qeyd edək ki, cari mövsümdə “B” seriyasının qalibi 86 xal toplayan “Palermo” olub. “Latina”, “Çezena”, “Modena”, “Bari”, “Krotone” və “Speziya” isə “A” seriyasında yüksələn üçüncü komanda olmaq uğrunda play-offda mübarizə aparacaqlar.