Şervud “Tottenhem”dən qovuldu

İngiltərənin “Tottenhem” klubunun baş məşqçisi Tim Şervud postundan qovulub. Futbolxeber.az-ın məlumatına görə, bu haqda “Tottenhem”in prezidenti Deniel Levi açıqlama verib: “Şervudun müqaviləsi 18 aylıq idi. Lakin sözləşmədə onun postunu cari mövsümün sonunda tərk edə biləcəyi barədə bənd var idi. Biz də bu hüququmuzdan yararlandıq”.

Levi 2001-ci ildən “Tottenhem”in prezidentidir. Şervud onun prezidentliyi dövründə “Tottenhem”lə yollarını ayıran sayca 8-ci baş məşqçidir.

Xatırladaq ki, Şervud ötən il dekabrında Andre Villaş-Boaşı əvəzləmişdi. Onun rəhbərliyi altında “Tottenhem” mövsümü altıncı pillədə bitirdi.