Premyer Liqaya yüksələn klub güclənmək üçün 180 milyon xərcləyəcək

Növbəti mövsümdə İngiltərə Premyer Liqasında mübarizə aparacaq “Lester” klubunun sahibi Vişay Şrivaddanprabxa maraqlı açıqlama verib. Futbolxeber.az-ın məlumatına görə, taylandlı iş adamı klubu gücləndirmək üçün böyük vəsait ayıracaqlarını bəyan edib: “Biz Premyer Liqada bacardığımız qədər çox qalmağa çalışacağıq. Dərhal böyük transferlər etməyi planlaşdırmırıq. İlk əvvəl liqada qalmalı, gələcəkdə daha böyük hədəflər uğrunda yarışmalıyıq. Bu məqsəd üçün böyük vəsait - 180 milyon funt tələb olunur. Amma bu məqam bizi qorxutmur. Qarşıdakı 3-4 il ərzində ilk “beşliy”ə düşməyi hədəfləyirik”.

Xatırladaq ki, “Lester” cari mövsümdə Çempionşipin qalibi olub.