Giqqz növbəti mövsümdə də “Mançester Yunayted”də çıxış edə bilər

“Mançester Yunayted”in futbolçusu Rayan Giqqz cari mövsümün sonunda futbolçu karyerasını başa vurmaya bilər. Futbolxeber.az-ın məlumatına görə, uelsli futbolçu daha bir il “Qırmızı şeytanlar”ın şərəfini qorumaq fikrindədir. Uelsli futbolçu artıq bu barədə “Mançester Yunayted”in baş məşqçisi olacağı gözlənilən Lui Van Qalla da danışıb.

Xatırladaq ki, son günlər cari mövsümün sonunda Giqqzin futbolçu karyerasına son qoyacağı, hətta bir neçə gün əvvəl “Hal Siti”yə qarşı baş tutan görüşdə onun azarkeşlərlə vidalaşdığı da deyilirdi.