Kurban Berdiyev: “Yenə də bəxtimizə güclü rəqib düşdü”

“Rubin”in baş məşqçisi Kurban Berdiyev Avroliqanın püşkatmasına münasibət bildirib. Futbolxəbər.az xəbər verir ki, daha çox bəxtlərindən şikayət edən baş məşqçi ötən mərhələdə olduğu kimi yenə də çox güclü rəqiblə qarşılaşacaqlarını bildirib: “1/16 finalda olduğu kimi yenə də nisbətən güclü rəqiblə düşdük. Bu, bizə əlavə motivasiya verir. İndi biz yaxşı nəticə göstərmək üçün Avropa nəhənginə qarşı bütün gücümüzü ortaya qoymalı və əlimizdən gələni etməliyik”

Qeyd edək ki, Avroliqanın 1/4 finalında “Çelsi” ilə qarşılaşacaq “Rubin” aprelin 4-də Londonda, 11-də isə Rusiyada oynayacaq.