Çempionlar Liqasının tarixində görünməmiş olay

Çempionlar Liqasının tarixində ilk yaşanıb. Futbolxeber.az-ın məlumatına görə, 2003/04 mövsümündən etibarən keçirilən hazırki formatda ilk dəfə olaraq 1/4 finala yalnız qrup qalibləri adlayıblar. Belə ki, 1/8 final mərhələsini uğurla adlayan “Mançester Yunayted”, PSJ, “Real”, “Barselona”, “Bavariya”, “Borussiya” (Dortmund), “Atletiko” və “Çelsi” yer aldıqları qrupu lider kimi başa vurmuşdular.

Xatırladaq ki, ÇL-in 1/4 final mərhələsinin püşkü sabah atılacaq. Bu mərhələdən etibarən eyni ölkə təmsilçilərinin üz-üzə gəlmələri mümkündür.