Nihat Kahveçi: "Qalatasaray"ın "Real"la düşməsini arzulamırdım"

"Qalatasaray"ın yalnız iki klubla - “Barselona” və “Real”la düşməməsini arzulayırdım. Amma alınmadı". Futbolxeber.az xəbər verir ki, bu sözləri Çempionlar Liqasının 1/4 finalının püşkatmasına münasibət bildirərkən Nihat Kahveçi deyib.  

Veteran futbolçu "Real" haqda xoş sözlər bildirib: "Real” La liqadan əlini tamamilə üzüb, bütün gücünü ÇL-na yönəldəcək. Deməzdim ki, “Real” topa daha çox sahib olmaqla oyunda diqtə etməyi bacaran klublardandı. Ancaq əlinə düşən imkanları lazımınca qiymətləndirməyi bacaran futbolçuları da kifayət qədərdi. “Santyaqo Bernabeu”da oynamış bir futbolçu kimi deyə bilərəm ki, “Real” azarkeşləri “Qalatasaray”lı fanatlar kimi 90 dəqiqə yorulmadan mahnılar, şeirlər oxumurlar, lakin komandalarının hücumları, hakimlərin qərarları zamanı da sakit dayanmırlar”.