“Hakan Şükürün oyun tərzinə heyran idim”

“Qaziantepspor”un aparıcı üzvü Abdou Razack Traore Türkiyə mətbuatına müsahibə verib. Futbolxeber.az-ın məlumatına görə, Burkino Fasolu futbolçu ilk öncə futbola gəlişindən danışıb: “Peşəkar futbola 2005-2006 mövsümündə “Raca Kasablanka”da başlamışam. Cəmi 4 oyunda meydana çıxdım və qol vura bilmədim. Daha sonras “Rosenborq”a transfer oldum. Burada 51 matçda forme geydim, 3 dəfə fərqləndim. 2010-u ilin avqustunda Polşanın “Legiya” klubu ilə sözləşmə imzaladım. Buradakı göstəricim 64 oyun və 25 qol oldu. 2012-2013 mövsümündə isə “Qaziantepspor”la 3,5 illik sözləşmə imzaldım”.

Cari mövsümdə 8 dəfə fərqlənən afrikalı futbolçu bombardirlər siyahısına başçılıq edən “Sivasspor”lu Aatıf Chahechouge və “Qalatasaray”lı Burak Yılmazı geridə qoymağı planlaşdırır. Traore Türkiyə Superliqasının İngiltərə Premyer Liqasına çox yaxın olduğunu düşünür. Atasının ilk aldığı futbol topunu gördüyündə sevincdən ağladığını bildirən Traore, sözünə belə davam edib: “Dərhal küçəyə qaçdım. Əynimdə yalnız bir şort vardı. Ayağımda ayaqqabım belə yoxdu. Dərs olmadığı günlər səhərdən axşama kimi küçədə top qovurdum. Hətta yemək yeməyə, su içməyə belə vaxtım olmurdu. Əminəm ki, bir çox futbolçular da belə böyüyüb”.

Traore, Türkiyə millisinin DÇ-2002-dəki çıxışını yaxından təqib etdiyini və Hakaş Şükürə heyran qaldığını bildirib: “O, çox güclü qolçu idi. Onun oyun tərzinə heyran idim. Hazırda futbolda hər kəs Messi və Ronaldodan danışır. Hər iki çox istdadlı futbolçudur və hər bir gənc onlardan örnək almaq istəyir”.