Lempard: “Qalatasaray”ın bu cür atmosferdə yenilgidən qaçması normal haldır”

“Çelsi”nin yarımmüdafiəçisi Frenk Lempard Çempionlar Liqasının 1/8 final mərhələsinin ilk oyunu çərçivəsində “Qalatasaray”a qarşı keçirdikləri oyun barədə danışıb. Futbolxeber.az-ın məlumatına görə, Lempard çıxışı zamanı “Türk Telekom Arena”dakı atmosferdən də söz açıb: “Nəticənin əla olduğunu deyə bilmərəm. Amma nəzərə almaq lazımdır ki, rəqib çox güclüdür. İlk yarıda biz əla təsir bağışladıq. Oyuna nəzarət bizim tərəfimizdə idi. Bu səbəbdən də fasiləyə yollanarkən cəmi 1 topla öndə olmağımız bizi məyus etdi. “Qalatasaray”ın fərqlənmək üçün elə də şansı olmadı. Biz isə əks-hücumlara ən azı 4-5 qol vura bilərdik. Lakin həmin şanslardan yararlana bilmədik. Onu da deyim ki, belə bir stadionda hesabda geridə olarkən rəqibin yenilgidən qaçması normal haldır. Stadionda inanılmaz atmosfer var idi. Azarkeşlərin çılğınlığını biz artıq isinmə hərəkətləri etmək üçün meydana daxil olduğumuz anda hiss etdik. Yerli azarkeşlər sevimli komandalarına fantastik dəstək verirdilər”.