“Mançester Yunayted” Yunanıstana itkilərlə yollandı

Bu gün Çempionlar Liqasının 1/8 mərhələsinin ilk oyunu çərçivəsində səfərdə “Olimpiakos”un qonağı olacaq “Mançester Yunayted” qarşıdakı matça ciddi itkilərlə çıxacaq. Futbolxeber.az-ın məlumatına görə, “qırmızı şeytanlar”ın müdafiəçiləri - Fil Cons və Conni Evans axşamkı matçda meydana çıxmayacaqlar. Hər iki futbolçu zədəli olduğundan komanda ilə birgə Yunanıstana yollanmayıb. “Mançester Yunayted”in baş məşqçisi Devid Moyes bəyan edib ki, adıçəkilən ikilidən başqa komandanın heyətində itki yoxdur.

Xatırladaq ki, “Olimpiakos” - “Mançester Yunayted” matçı bu axşam 23: 45-də start götürəcək.