Droqba: “Çelsi” bizdən 10 dəfə güclüdür”

“Qalatasaray”ın hücumçusu Didye Droqba Çempionlar Liqasının 1/8 final mərhələsi çərçivəsində qarşılaşacaqları “Çelsi” haqda danışıb. Futbolxeber.az-ın məlumatına görə, afrikalı forvard sabiq klubunun “Cim-Bom”dan üstün olduğunu bildirib: “Hansı daha yaxşıdır: “Çelsi”, yoxsa “Qalatasaray”? Təbii ki, “Çelsi”. Onlar bizdən 10 dəfə güclüdürlər. Amma mən meydana çıxırsam, yalnız qələbəyə oynayıram. Çətin oyun olacaq. “Yuventus” da bizdən güclü idi. Biz isə sübut etdik ki, meydanda istənilən nəticə qeydə alına bilər”.

Xatırladaq ki, sabah keçiriləcək “Qalatasaray” - “Çelsi” matçı Bakı vaxtı ilə 23:45-də start götürəcək.