"Atletiko” “Osasuna və “Real”la oyuna qara sarğıyla çıxır

Madridin “Atletiko” futbol komandası İspaniya çempionatının növbəti turlarında “Osasuna” və “Real Madrid”lə görüşlərə qara sarğı və yaxalarında matəm lenti ilə çıxacaqlar. Lent.az-ın məlumatına görə, bu barədə klubun rəsmi saytında bildirilir.

 

Bununla da “Atletiko”Xocalı faciəsi qurbanlarının xatirəsini yad edəcək: “Azərbaycan xalqı ilə sıx münasibətlərimizin nəticəsi olaraq, “Atletiko” azərbaycanlıların Xocalı faciəsi ilə bağlı dərdinə şərik olmaq istəyir. “Osasuna” və “Real Madrid”lə qarşıdakı oyunlarda əsas komandamızın oyunçuları qara sarğı və “Azerbaijan Land of Fire” loqosunun üzərində matəm lenti taxacaqlar. Bu addımı fevralın 26-da 22 yaşı tamamlanan faciə qurbanlarının ailələri ilə həmrəylik əlaməti kimi atırıq”.

 

Qeyd edək ki, fevralın 23-də İspaniya çempionatının 25-ci turu çərçivəsində “Osasuna”nın qonağı olacaq “Atletiko” martın 2-də “Real Madrid”i qəbul edəcək.