Boksçularımız Qazaxıstanda yarışacaqlar

Azərbaycan gənc boksçuları Qazaxıstanın Türküstan şəhərində beynəlxalq turnirdə iştirak edəcəklər.

Futbolxeber.az saytına bu barədə Azərbaycan Boks Federasiyasının mətbuat xidmətindən məlumat verilib.

Artıq bu gün start götürən yarışda yığmanın heyətində məşqçi İlkin Seyfəddinovun rəhbərliyi altında Hikmət Məmmədov (50 kq), Əli Məmmədov, Zakir Həsənzadə (hər ikisi 55), Vüsal Xəlilov (65 kq), Renat Qiyaslı (75 kq) və Kənan Nəcəfov (+90) gücünü yoxlayacaq.

Qeyd edək ki, turnir iyunun 6-dək davam edəcək.