Nazir: "MDB dövlətlərinin Azərbaycanda keçiriləcək idman yarışlarına ayrıca vəsait ayrılır"

"MDB dövlətlərinin Azərbaycanda keçiriləcək idman yarışlarına ayrıca vəsait ayrılır".

 

Futbolxeber.az saytının “Report”a istinadən xəbər verir ki, bunu maliyyə naziri Samir Şərifov Milli Məclisin Gənclər və idman, İctimai birliklər və dini qurumlar, Mədəniyyət komitələrinin birgə iclasında gələn ilin büdcə zərfinin müzakirəsi zamanı deyib.

 

Onun sözlərinə görə, ümumilikdə 2025-ci ilin büdcəsində idmana kifayət qədər vəsait ayrılıb: “Ölkə iqtisadiyyatının maliyyəsini müəyyən prioritetlər istiqamətində qurmalıyıq. Gəlirlərin və xərclərin artımı arasında mütənasibliyi qorumalıyıq. Son illər təxminən ildə 13 %-dək xərc artımına getmişik. İdmana vəsait ayrılır. Dövlət bütün sahələri maliyyələşdirə bilməz. Şübhəsiz ki, bütün istiqamətlərə vəsaitin ayrılması imkanımız olsa, dövlət bunu edərdi. Bu, dünyanın ən varlı dövlətlərində belə mümkün deyil".

 

Nazir bildirib ki, dünyadakı iqlim çağırışları və ölkədəki neft resurslarının azalması ilə bağlı qeyri-neft sektoruna diqqət artırılıb: “Bu sahədə irəliləyişin olması sevindirici haldır. Bu inkişafı qoruyub saxlamalıyıq. Ölkəmizin tarixində builki səviyyədə xərclər büdcəsi olmayıb. 2021-ci illə müqayisədə növbəti il üçün təklif olunan dövlət büdcəsinin xərclər səviyyəsi 50 % artıb. Bu kifayət qədər qısa müddət ərzində təsirli addımdır”.

 

Qeyd edək ki, 2025-ci ildə Azərbaycanda III MDB Oyunları keçiriləcək.