Azərbaycan millisi Avropa çempionatında mübarizə aparacaq

Oktyabrın 12-də Bolqarıstanın paytaxtı Sofiyada 22 yaşadək (U-22) boksçular arasında Avropa çempionatı start götürəcək.

Futbolxeber.az saytının məlumatına görə,9 gün davam edəcək yarışda Azərbaycan millisi də qüvvəsini sınayacaq.

Məşqçilər korpusu yarışda Tural Sarıyev (48 kq), Nicat Hüseynov (51 kq), Amin Məmmədzadə (54 kq), Kamil Babayev (57 kq), Ruslan Qədirov (63,5 kq), İlqar Salahov (67 kq), Şəmsi Şahbazov (71 kq), Fərhad Şeydayev (75 kq), Murad Allahverdiyev (80 kq), Seyid Seyidov (86 kq), Mehparə Məmmədov (48 kq), Marjona Savriyeva (50 kq) və Zeynəb Rəhimovaya (54 kq) şans verəcək.

Çempionatda ədalət təmsilçiləri sırasında beynəlxalq dərəcəli hakimimiz Anar Nağdiyev də yer alacaq.