Paris-2024-də bu gün 4 idmançımız mübarizə aparacaq

Paris-2024 Yay Olimpiya Oyunları davam edir.

Futbolxeber.az saytının məlumatına görə, bu gün Azərbaycanın 4 idmançısı yarışda mübarizə aparacaq.

Taekvondo

Azərbaycan taekvondoçusu Qaşım Maqomedov 1/8 finalda İrlandiya təmsilçisi Cek Uolleylə üz-üzə gələcək. Görüş Bakı vaxtı ilə saat 13:48-də başlayacaq.

Güləş

Yunan-Roma güləşçilərimizdən əvvəlcə Həsrət Cəfərov (67 kq) 1/8 finaldan mübarizəyə qoşulacaq. O, A xalçasının 3-cü görüşündə Mohamed ELsayedlə (Misir) üz-üzə gələcək. A xalçasında yarışların saat 13:00-da başlaması nəzərdə tutulur.

Digər güləşçimiz Rafiq Hüseynov (87 kq) 1/8 finalda, C xalçasının 10-cu görüşündə David Losonçi (Macarıstan) ilə qarşılaşacaq. C xalçasında yarışlara saat 13:00-da start veriləcək.

Ölkəmizi yunan-Roma güləşində təmsil edən digər idmançımız Sənan Süleymanov isə bürünc medal uğrunda görüşdə qüvvəsini sınayacaq. 77 kq çəki dərəcəsində yer alan Sənanın rəqibinin adına təsəlliverici görüşlərdən sonra aydınlıq gələcək.

20:15-dən etibarən əvvəlcə digər çəki dərəcələri üzrə yarımfinal qarşılaşmaları, sonra isə Sənanın da çəkisində medallar uğrunda yarışlar başlayacaq.