“Azərreyl”də yeni baş məşqçi

“Azərreyl”in kişilərdən ibarət komandasını Qazaxıstan millisinin baş məşqçisi Boris Qrebennikov çalışdıracaq.

Futbolxeber.az-ın klubun saytına istinadən verdiyi məlumata görə, Qazaxıstan və Fransa vətəndaşlığı olan mütəxəssislə 1 illik müqavilə imzalanıb. Onun qarşısına əsas hədəf kimi “Azərreyl” yüksəklərə daşımaq və Azərbaycan milli komandasına yeni adlar qazandırmaq tapşırığı qoyulub. Boris Qrebennikov, eyni zamanda Qazaxıstan yığmasında da baş məşqçi kimi işini davam etdirəcək.

65 yaşlı mütəxəssis Bakı təmsilçisinə gəlincə, müxtəlif ölkələrdə işləyib. O, Fransanın kişilərdən ibarət “Renn” klubunda oynayan məşqçi, daha sonra baş məşqçi kimi çalışıb. Bu komandaya ölkə kubokunu qazandırıb. Mütəxəssis ardınca Rusiyada “Qazprom-Yuqra” və “Ural” kimi böyük komandaların “sükanı arxasında” olub.

Tunisdə “Etual du Sahel”də də işləyən çalışdırıcı burada ölkə çempionatını və Superkubokunu qazanıb.

Qeyd edək ki, “Azərreyl”in qadınlardan ibarət komandası Cengiz Akarçeşmeyə həvalə olunub.